【本報訊】的士司機從來是政圈中人收風好對象。如果政府在提出替補機制前問一下李匡晉和他的行家，相信不致落得突然轉軚的悲劇收場。「係呀，我哋成班的士佬坐埋，好多人都反對呢個替補機制，政府聽唔到之嘛」。7.1踏足維園後，李匡晉會向立法會業界代表、航運交通界的劉健儀發聲，「希望佢支持撤回草案」。
身兼的士司機權益會創會會長的李匡晉，7.1拉着大橫額上街，原本主力促請政府制訂可加可免的士燃油附加費機制，一個替補機制更加強他與同業上街的決心。
「政府霸王硬上弓」
李匡晉直指：「政府冇諮詢就霸王硬上弓，唔畀我哋投票，係好唔啱嘅！」就算政府急轉彎，修訂方案公開諮詢兩個月，李匡晉都堅拒接受：「所謂諮詢，其實都係假o架啦，嗰兩個月，立法會都休會，邊有嘢可以問到佢？」
李匡晉認為立法會議員就替補機制投票時「一啲難度都冇」：「因為政府攞走我哋投票權，係好嚴重嘅事，點可能會支持？」所以，當立法會交通航運界代表、自由黨主席劉健儀尚未表明投票立場，李匡晉感到非常意外。的士司機權益會新近成為運輸署市區事務會議成員團體，2012年立法會功能組別選舉中享有一票，李匡晉呼籲劉健儀別再擺出曖昧態度，「應該要好堅定咁話反對至得」。
劉健儀早前要求政府修訂替補機制，將死亡及重病等自然出缺情況沿用傳統的補選方式填補出缺，預料最後會視乎政府的修訂方案及諮詢結果才決定投票立場，但她重申支持政府杜絕議員「玩嘢」辭職。