平日出騷閒閒哋收4萬元的「視帝」黎耀祥昨在法庭白等一天，僅收300多元證人費。但視帝依然表現專業，昨在庭上全程「Chok樣」，以斯文形象淡定作供。對於自陳志雲涉貪案開審，他的名字便經常在港聞版出現，他感覺「錯愕」、「好驚」。當被問及除夕騷僅收2萬元而陳志雲卻收11.2萬元，他即時尷尬笑稱「唔係好方便講嘅」，還寄望陳志雲大步檻過。
律師講嘢慢過拍劇
黎耀祥昨早11時許到庭候命，被安排在證人室呆等，直至下午近3時始被傳召作供。法庭將一份文件誤作供詞給他參考，他立即察覺，非常醒目。他作供時緊握雙手，正襟危坐，目不斜視。作供完畢，他立刻掃視法庭，找出陳志雲蹤影，向對方點頭微笑，陳志雲亦報以招牌燦爛笑容。
架上黑框眼鏡的黎耀祥，離庭後被記者踢爆扮斯文。他笑稱，自己有近視，但的確是為了看來「斯文啲」而戴眼鏡，西裝亦揀較不誇張的。拍過無數法庭戲，但是首次踏足法庭，他笑說：「我估唔到個法庭咁細，我哋個廠大好多，同埋律師講嘢好慢，如果我哋講得咁慢會俾導演話，之後有機會拍法庭戲，對我都有幫助。」
黎耀祥表示，他上庭前曾在公司及活動中碰見陳志雲，大家照舊打招呼，他亦會問候對方幾句。他說：「我哋係工作上夥伴、同事，私底下無特別交情，咁大個人都明白，但係當然希望佢冇事，我不嬲話佢係一個電視界好有才華嘅人，我都係知咩講咩！」他平日將出騷事宜全交太太處理，少理收費，萬估不到因出騷而涉官非。當被問及除夕騷僅收2萬元而陳志雲卻收11.2萬元，他即時彈起，尷尬笑稱：「唔好講啦，唔係好方便講嘅。」
《蘋果》記者