已故慈善伶王新馬師曾（鄧永祥）的遺孀洪金梅（祥嫂）與子女鄧小艾及鄧兆尊當年不和鬧得滿城風雨，已於年前和解，近日祥嫂與子女趁祥哥逝世14周年，特地推出一系列發燒紀念碟。
祥哥多年來推出過12張粵曲精選，有百多首名曲共43餅帶，由小艾收集後送往重製整理。祥嫂說：「之前家庭未融洽，家啲子女成長晒，我哋重拾親情。祥哥都過咗身十幾年，人亡物在，佢留低咗好多精采嘅作品，家好多新人都向祥哥學習，好似唱新馬仔腔。」小艾則說：「每次執爸爸啲作品都會諗起佢，其實到家我都未停過想念佢，我哋想做番啲嘢。」兆尊說：「爹哋有好多作品，但巿面上啲CD質素都好壞參差，今次想幫佢重新推出好質素嘅正版碟。」
撰文：丁寧