求驗客手記:法比仔已當西甲兵 - 求驗客

求驗客手記:法比仔已當西甲兵 - 求驗客

啱啱輸咗溫布頓男單冠軍嘅拿度,日前同班friend喺伊維薩島(Ibiza)出海散心,不過網球手即係網球手,喺佢玩到有啲攰嘅時候,竟然好似喺網球場比賽咁,攞條蕉嚟食(圖)。講開伊維薩島,西班牙甲組會最近拍咗條宣傳聯賽兼伊維薩島旅遊業嘅短片,片中話好多西甲球員,喺唞暑時都鍾意嚟到呢個度假天堂充電;不過,好奇怪,片中出現嘅除咗有迪亞高卡普同查維馬天尼斯等球星之外,仲有效力阿仙奴嘅法比加斯,唔通西甲聯已經當佢加盟咗巴塞隆拿?