好快就要同哈利他講拜拜，因為即將上映嘅《哈利波特：死神的聖物2》終於去到最終章。想留住哈利仔，可以等發行商推出珍藏版BoxSet影碟；想隨時重溫神奇魔法，就可試試「KymeraMagicWand」！
記者：王震遠
攝影：林栢鈞
Model：Ruby
紅外線變魔法
喺哈利波特入面嘅世界，全靠魔法杖先可以使出各式各樣嘅魔術。現實世界中呢支「KymeraMagicWand」一樣可以使出咄咄失，不過唔係攻擊敵人，而係用來控制家中電器。單看外表，果然充滿魔法世界的氣質，因為佢由英國魔法品牌TheWandCompany設計，外表係支魔杖，實際上係一支紅外線遙控。只要入電池後，就可以透過紅外線輸出，代替家中用開嘅紅外線遙控，操控家中所有家電例如電視、音響或冷氣等，人人都可將魔法帶入屋。
自定十三套路
呢支魔法萬能遙控魔杖一個掣都無，但內置感應器其實可感測到手腕活動，所以事先要學識「魔法」。預設魔法功能有十三種，如上下揮動、前後移動等，每個動作都可設定為指定模式，例如設定上下揮動調校音量，自轉設為轉台等。不過魔杖都要學習後才知道如何控制家電，所以使用前需一次性設定魔杖功能。只要進入學習模式，揀選好每個動作的對應設定，再用紅外線控制對住魔杖，按下想要的設定模式，就可以設定好一套自家魔法。
魔法教室13式
魔法燈瞓覺
想玩入門級魔法，仲有「KandelaMagicWand&LEDCandle」（$499）。呢款神奇燭燈，採用堅韌物料製成，真身係LED燈，但設計像真正點火的燭燈一樣，燈光柔和。LEDCandle唔需要程式輸入都可以控制到，只要揮動魔杖就可以燃點燭燈；敲擊兩次就可進入1小時睡眠模式；倒數時會以連續閃動嘅光芒你瞓覺。想熄燈？方法一是當佢真嘅燭燈用口吹熄，方法二是左右揮動魔杖即可關燈。
查詢：思維集團（29551000）
魔杖對戰
想親自揸起魔法棒過吓手癮？外國專賣古靈精怪精品嘅ThinkGeek就出咗名叫「HarryPotterInfraredBattlingWand」嘅玩具，係透過魔法棒來進行對戰的遊戲系統。四個款式包括主角哈利、榮恩、妙麗同大反派佛地魔，各支魔法棒都係獨家設計，透過紅外線感應就可以打低對方！玩時仲出現電影感音效，真人對戰一定比起體感遊戲機更刺激。
網址： http://www.thinkgeek.com/geektoys/warfare/e625/
