王小鳳最近應曾志偉邀請由美國返港拍戲，無綫前晚播佢接受《今日VIP》訪問，佢自爆之前喺美國患抑鬱症：「我唔只抑鬱症，加埋生活習慣唔係咁好，又飲酒又吸毒，但家改晒。」佢話信咗教後，改脾氣又一次過戒咗毒，戒埋粗口，07年病好咗。王小鳳又話：「我由細到大都好想死，但死唔去。」佢好感恩自己有好多人錫，先能夠走到今日。