o靚模團Donut食髓知味，今年再召集成員推出寫真集，其中以33E朱裕琳（Caroline）索爆團隊，但美中不足是她的廣東話不正，開口講話惹來笑話連篇。
對於新一本寫真集即將面世，Caroline表示心情緊張，並希望成績理想，她日前在電話中說：「有過上年嘅經驗，今年我同攝影師同化妝師溝通多咗，我今次試咗家最流行嘅裸妝，盡量簡單自然，希望大家鍾意我赤裸裸嘅一面。」
樂做晶女郎
Caroline表示特別喜歡寫真集中全身金色造型，她說：「化妝師同我上妝前，我特別喺肌膚搽咗一層護膚品，咁落妝時就簡單好多，否則出街變銅人，真係驚嚇死人。」
知名度漸高的Caroline，直言最大目標是成為電影新貴，她早前在電影《猛男滾死隊》色誘王晶，事後獲晶哥大為欣賞，王晶更有意把她收納做晶女郎，還計劃力捧，她說：「係呀，晶哥真係對我好好，佢成日笑我個子太高，好難搵男仔配到，所以佢話自己同我最襯，扮我銀幕男友先最啱。我覺得晶哥份人真係好幽默又有才華，同佢合作好開心。」
採訪：比華利
