兩個女人，兩段有夫妻之實的感情，假如龔如心仍在世，陳生、陳太和王太會是怎樣的局面？
「講你都唔信，我哋嘅plan係楠樺居舊居嗰度下低有間房冇人住，Nina係會搬嚟住！」的確，從一般道德倫理角度出發，這個「一屋兩妻」的安排頗難令人置信。「間屋好多僭建，都係Nina主意，仲改建咗浴室，放個大木桶畀佢浸浴…」後來龔如心病重，他還將木桶加大，給伊人浸藥浴療，惜未能成事，「如果我喺度照顧佢，可能會長命啲，呢個計劃會成功o架。」
兩個女人 難分至愛
哪個才是至愛？「每一個人嘅感情上都有好多障礙，是非對錯好難講，兩個我都好真，兩個都係事實，兩個都發生咗，兩個我都唔會比較，尤其係一個已經唔喺度。」陳振聰說，從一開始，龔如心也知道不會成為陳太，「我同Nina講過唔可以離婚，我到呢一刻都冇諗過要離婚，點可以生活好少少就離婚，唔可以呀！」所以，陳太仍然是1992年3月和他註冊結婚的譚妙清，夫妻之間，敏感的話題盡量不觸及：「Nina嘅嘢盡量唔提」。
和新婚首年的陳振聰一起展開「夜間同居」生活的龔如心，是陳振聰口中「我一個好愛嘅人」。龔如心對他的了解比譚妙清更深入，兩人之間似乎更相敬如賓，「咁多年嚟，佢對我嘅意見只係『遲咗上嚟』」。每年暑假有一個半月，及12月23日他生日前後那幾天，都是他的家庭時間，「同Nina有默契，佢唔會搵我。」