喜事浪接浪，莫文蔚即將嫁給初戀男友，名模姚予晴都訂了婚期在明年8月。莫文蔚好友楊采妮昨晚表示隨時oncall做伴娘、姊妹，她又表示現時不心急結婚，但都有一顆恨嫁的心。
楊采妮、范姜、小小超前女友羅愛欣、早前宣佈結婚的名模姚予晴（Mikki）和未婚夫曾朗鳴等，昨晚在中環出席Tiffany活動。楊采妮十分貼題，穿上一件Tiffanyblue的藍裙撐場，但膚色相當黝黑，她透露拍攝新片《百年浮城》飾演移民女人，專程曬太陽燈曬黑，她說：「由20歲演到60歲，好有挑戰，後來天氣熱同埋自己玩浮潛，所以都越來越黑。」
盼與金城武合作
死黨莫文蔚10月結婚，楊采妮謂未收通知：「叫到一定做，伴娘、姊妹都冇問題，隨時standbyoncall，但佢未發通告喎。」另一好友金城武近期都傳出緋聞，楊采妮說：「冇留意，佢開心就得，如果佢結婚，我自薦做兄弟姊妹，同埋好耐冇合作，都想同佢合作拍電影。」
由入行到現在，合作多次的郭富城都有伴侶，問楊采妮自己可會心急？她說：「我唔心急，大家都明白，婚姻係好個人嘅，有啲人嘅相處方式唔一定要結婚。我都想結婚o架，遇得上我都想結婚。」同場名模姚予晴和男友曾朗鳴則定了明年8月結婚，問曾朗鳴是否儲夠老婆本？他即笑說：「儲極都未夠，因為佢會不斷蠶食你嘅本，但我都同意嘅。」
范姜為B仔解畫
問范姜B仔近期被發現在fb不停爆粗，范姜說：「佢唔係少爺脾氣，都唔係唔開心，呢個係佢同朋友講嘢嘅方式，我都有叫佢以後要小心啲。」
採訪、攝影：RitaLeung
