【本報訊】上周二發動5,000村民圍堵立法會的十八鄉鄉委會主席梁福元，因村屋僭建問題代村民出頭與政府對着幹，曝光率甚高，亦因而獲得不少村民支持。在民望高企下，外間揣測梁福元有意爭取成為「發叔」劉皇發的接班人。
強調背景清白
「唔好講呢啲，我哋家係做社會服務，係做政治！」梁福元日前接受《蘋果》訪問，談及江湖勢力問題時，直言自己「背景清白」，他又說：「人哋後面係點我唔清楚，起碼我自己嚟講係冇背景，我係16年嘅民選區議員，都係村長。」
對於有指今屆元朗鄉委會六鄉主席中，部份為江湖大佬，梁福元反應很大：「呢啲嘢我唔係好清楚。唔通台灣陳水扁係竹聯幫呀，日本嗰度山口組呀！唔通詹培忠坐過監就唔可以做立法會議員呀！」他續說：「香港係個法治社會，有證據就拉佢，認為佢有黑社會背景，你就告佢或者拉佢！」
梁福元在07年區議會選舉期間，獲綽號「元朗之虎」的江湖大佬「四眼細」助選拉票。對於與四眼細的關係，梁說：「四眼細係原居民，係另外一條村嘅，我話唔識佢，我就呃你嘅啫。其實佢哋做佢哋嘅嘢，我哋就做政治，做正當生意。」
記者曾聯絡六鄉中的鄧勵東和曾樹和等要求訪問，但一直未獲回覆，而自動成為鄉議局「特別議員」的「四眼民」鄧瑞民，則以公務繁忙推搪：「等我問吓其他村長意見先，都唔知你哋係宣傳定抹黑！」