記者在非法加工場放蛇時，其中一檔的馮老闆極力推銷燒鴨燒鵝平靚正：「我用糖加特製配料擦上去，啲燒鵝同燒鴨，你想要乜色水都得，可以調到金黃或焦黃，做到睇起嚟好似啱啱出爐咁。」記者要求查看特製配料，他說：「你放心啦，唔係人造色素，係自己配方。」
扮用秘製醬汁
一名員工插嘴說：「我做咗幾年都唔知配方o架，特別係加醬汁時，老細都係閂埋門。」記者向其他檔主查問馮老闆有甚麼秘製醬汁時，有檔主冷笑一聲踢爆：「乜秘密吖，都係布吉乾貨市場啲貨，全部都係化工提煉！」
有香港燒味師傅透露，做燒鵝燒鴨的醬料主要用薑末、蒜茸、葱末、精鹽、白糖、玫瑰露酒、味精、五香粉等製成，另用蜂蜜、白醋、梘水製成脆皮水，用料多，燒烤過程繁複，但有內地黑心工場會改用化學材料或染色素，以求快、靚、正，部份化學原料或含致癌物質。
傳染病專科醫生勞永樂表示，地下燒臘工場若把熟肉與生肉放在一起，容易引起細菌交叉感染，這正是食物中毒的主要原因。他又指燒味是高危食物：「燒完即食冇問題，但好多時燒完後要經多重運輸，途中容易感染細菌，巿民食用前又唔會翻煮，夏天更易中招。」
《蘋果》記者