王祖藍、阮兆祥及李思捷以新片的摔角手造型為電影宣傳，三人穿起貼身摔角手服裝，戴了護陰的祖藍下身激凸；阮兆祥的凸腩亦甚礙眼，思捷則自言長期處於興奮狀態，一向口多的志偉則保持風格，在台上稱三人為「現袋福祿壽」，大玩不文！
曾志偉、王祖藍、阮兆祥、李思捷、張可頤、吳耀漢和王小鳳等多位藝人，昨日出席在邵氏片場舉行的新片《勁抽福祿壽》煞科拜神儀式，其中福祿壽三子以摔角手造型亮相非常搶鏡，當中尤以下體激凸的祖藍為甚，對於激凸，祖藍接受訪問時表示：「係戴咗護陰，因為要拍打摔角場面，即係好似女人戴bra咁，唔係好舒服。」至於為何兩位拍檔不用戴護陰？思捷笑指自己經常處於興奮狀態；祥仔則表示戴了記者也不會察覺。戲中三人有不少動作場面，更要與現役外國摔角手對打，問他們可有事先學過摔角？祖藍謂：「學過俾人摔咯，有一個高我成兩個頭，祥仔埋到去變奀豬。」
張可頤被打滿天星
張可頤則透露在片中飾演曾志偉的前女友，有一場色誘志偉的戲份，因此激怒了志偉妻子王小鳳而遭掌摑；另有一場給大隻摔角手推撞的戲份，她說：「雖然個摔角手好細力，但我都俾佢推到滿天星。」
至於志偉姍姍來遲，在台上除指王祖藍、阮兆祥及李思捷為「現袋福祿壽」外，又把咪遞給吳耀漢，叫他講電影而不要談及人家的家事，擺明笑他早前回應鋒芝婚變時，叫二人辛苦不如分手一事。
志偉又透露早前與多位明星到日本拍特輯大出血：「我未返香港已經要寄六箱嘢返嚟，喺屋企拆箱執嘢都執天光，仲發現好多都係重複咗！」問到他倒貼了多少？他說：「十零萬啦。」
志偉贊成鋒芝離婚
談到鋒芝婚變，志偉表示：「如果兩人唔夾分開都好，為咗個仔而死忍，兩個人生活都會辛苦，佢哋兩個都有工作能力，仔跟邊個都冇問題，大家畀多啲空間時間佢哋啦，藝人夫妻係大壓力啲。」
採訪：文國駿
攝影：仇志德
