【鋒芝變之正面交鋒】過去兩個月，謝霆鋒一直在大馬趕拍電影《逆戰》，日日在酷熱天氣下拍動作場面，同時又要應付婚變風波，熬着父子分離之痛，不過，決定斬纜離婚的霆鋒大後日便會返港處理家事，當務之急是接管近日變人球的Lucas和Quintus，這段時間撞正栢芝離港到寧波象山拍新片《河東獅吼2》，栢芝獲悉一直迴避她的霆鋒歸期不改，剛開工的她據知誓必返港跟霆鋒面談，爭仔戰一觸即發。
張栢芝和謝霆鋒的5年婚姻行到盡頭，二人只待簽紙便各行各路，兩夫妻過去半年關係麻麻，終於因栢芝主動與舊愛陳冠希在機艙合照泯恩仇引爆婚變。霆鋒自作出離婚決定後，一直避見栢芝，令她如老鼠拉龜，無從入手。
隨時請假回港湊仔
這段期間霆鋒在大馬趕拍電影《逆戰》，苦等近兩個月，大後日（周五）終可返港父子團聚，據知霆鋒已約好媽咪狄波拉同到陽明山莊；上周五才動身到寧波象山拍電影《河東獅吼2》的栢芝，為求與霆鋒面談，有指她正諗計向劇組請假回港，務求與霆鋒面對面解決離婚和兒子撫養權等問題。
栢芝臨行前先急召同母異父姊姊戴碧芝返港，代為照顧兒子Lucas及Quintus，霆鋒這次由大馬回港，非但有家歸不得，還要處理排山倒海的問題，他已有心理準備跟栢芝正面交鋒，據知情人士透露：「霆鋒呢次堅持會企硬，佢話呢次點都好，佢係一定唔再心軟，佢又話唔會讓步，不過一切仍以保護一對囝囝做大前提，霆鋒最唔願意傷害到小朋友，佢認為佢哋仲細，好無辜。」
少林高手看守片場
栢芝經理人Emily曾聲稱未收到霆鋒安排人肉速遞送上的離婚文件，有指霆鋒昨日已再安排把文件送到其經理人公司，直至栢芝收到為止。身在象山的栢芝因她演出的場景仍在趕工，故今日才可開工，《河東2》昨日只有小沈陽和伊能靜舊愛黃維德開工，劇組為免閒雜人等進入影廠，特別聘請了少林寺小龍武院的高手在門口看守。
霆鋒大後日便回港接管兒子，栢芝雖然剛開工但也有意向劇組請假回港，栢芝的經理人Emily日前已露口風指會向劇組度假回港湊仔。對於栢芝甫開工便請假，劇組為與栢芝保持良好關係，只得百般遷就，她大後日如回港，只得跳拍其他演員的戲份。《河東2》投資方余毓興昨日在電話中說：「呢兩日啱啱開工，演員戲份冇咁多，主要畀佢哋夾吓默契，如果栢芝真係有需要返屋企照顧囝囝，我哋係通情達理，一定放人。」
栢芝身在象山心在港，日前試妝期間已不停致電回港遙控身邊人照顧囝囝，余毓興表示不擔心栢芝返港跟霆鋒碰面後情緒波動失場，他說：「我呢幾日接觸栢芝，佢已經比較放鬆，我相信佢會公私分明，可以兼顧得到，我哋完全明白佢掛住對仔。只要佢早啲同劇組溝通，大家可以配合。」
拍戲協議遷就大肚
鋒芝婚變冰封三尺，非一日之寒，早於半年前已現危機，據知去年底栢芝以千萬人民幣片酬簽約接拍《河東2》，收下電影公司300萬人民幣定金後，她今年1月反悔退定金，並以要火速為霆鋒生女作請辭，估計她想出招用B女挽救婚變，翻查資料顯示，栢芝新年期間的而且確與霆鋒帶兩子到新加坡過年，可惜她未能如願造人成功。對於栢芝想撻定的傳聞，余毓興昨日證實說：「真係有呢件事，不過因為部戲好多籌備都搞緊，我哋當時就同栢芝協議萬一有懷孕，可以喺劇本上作修改。」
可惜栢芝未能用第三胎留住老公，霆鋒自06年與栢芝結婚後，除拍戲外婚戒不離身，惜左手曾受傷不能戴婚戒，便用頸鏈穿着掛在頸上，不過上月26日在北京出席《財神客棧》首映時，他說出「我不知道怎麼繼續走下去」，頸上的婚戒也除下。而謝婷婷昨日更新微博，上載了在溫哥華的照片，看來她正放假暫避戰火。
採訪：丁寧
網友判官：栢芝老公替補機制
特區政府草草推出替補機制，無理侵損市民的選舉權，也觸發20萬港人在7.1上街示威抗議。有網民拿這惡法與近日熱爆的鋒芝婚變相提並論，並以惡搞方式解說替補機制何等混賬。
「為了杜絕霆鋒『玩嘢』，離婚之後同栢芝再婚，浪費市民買娛樂雜誌嘅錢，林局長建議，只要霆鋒『出缺』，咁栢芝的老公一職就會由陳冠希自動補上……後來民意反應太熾熱，林局長再出修訂方案：只要霆鋒『出缺』，應由同一名單下的『謝老四』做替補，但如果同一名單的『謝老四』因某些原因未能擔任栢芝老公，則由『替補』候選人陳冠希接任。」