今年只有22歲的Becky（利梓橋），年紀輕輕已資歷深厚，皆因她13歲已經做影會工作，直到15歲正式入行，稱得上是第一代o靚模，她笑說：「其實都可以咁講，不過我應承咗屋企人要完成個大學，所以停咗兩年去讀書，家畢咗業咪做番啲自己鍾意嘅嘢，今年仲會推出第一本寫真。」
聽聞Becky的寫真將會有不同形象，當中更有校服誘惑，她笑說：「我啲fans投票話好懷念我着住校服個樣，好想重溫番嗰種感覺，所以今次會由清純嘅校服形象做起，跟住再有啲性感同好cool嘅形象，希望俾人感覺百變。」
追求健康性感
事隔多年再做o靚模，Becky說：「市場變咗好多，以前得我一個咁細個就做model，家多咗好多年輕嘅模特兒，雖然家有一部份人覺得啲女仔掛住做o靚模，賣弄性感，但我想俾人感覺就算着三點式都係健康，我哋大部份人都想俾人感覺好健康同活潑，帶歡樂畀大家，而唔係出嚟做啲唔好嘅嘢。」
Profile
年齡：22歲
三圍：32B、23、33
簡介：13歲開始做模特兒，先後參與不少廣告工作，當中包括KFC和Kinder出奇蛋廣告等。
資料來源：《蘋果》資料室
