陳奕迅（Eason）昨日到九展出席港台活動，剛在大馬回港的Eason直認曾探過謝霆鋒，他說：「有同佢叫roomservice食，佢仲同安志杰玩黐手，不過就冇講家事。」霆鋒心情可有異樣？「佢不嬲都係咁嘅樣，係埋位入戲先會chok！」
阿嬌怕談鋒芝變
Eason又撐霆鋒並非只顧打機，他笑言：「佢打詠春嘛，佢係師傅。」有傳霆鋒周五回港，故未能欣賞Eason的音樂會，他即高呼好彩：「唔好嚟㖭，一個人搶晒我哋風頭，日日報紙都係佢哋（指鋒芝），我都覺得煩！」
另外，Twins昨日在新城宣傳10周年唱片及演唱會，鍾欣桐（阿嬌）早前被指去年秘密到橫店探謝霆鋒班，又半夜找他傾心事，對此阿嬌說：「我完全冇搵過佢，一睇就知唔關我事，我去探劉德華，嗰日佢都冇拍。」會否不敢再找霆鋒？阿嬌表示：「不嬲都冇搵，唔係咁熟，佢係師兄囉。」會否擔心報道影響鋒芝感情？阿嬌直言：「如果佢哋咁深愛，應該唔會因為呢啲破壞到。」蔡卓妍（阿Sa）則聲稱她們跟張栢芝也相熟。
採訪、攝影：譚倩宜、溫敏芝