無綫收費電視電影台喺上月24日凌晨播出由翁虹同李華月主演嘅三級片《滿清禁宮奇案》，當中有部份露點片段，無綫冇刪剪完全咁播出嚟，結果惹嚟外界批評聲音同意見。無綫收費台電視公關部總監發言人姚永強噚日話，呢套電影已經刻意安排喺深夜播出，同時內部已經檢查過，將有關需要嘅片段刪剪，係絕對符合廣播條例。