周秀娜（Chrissie）、JessicaC.（JC）和眾o靚模昨日在旺角鬧市宣傳電影《熱浪球愛戰》，過百市民圍觀又逼出馬路，造成混亂。Chrissie師妹Mia剪爛衫谷奶現身，風頭打低密實師姐和JC，她更揚言今次是帶波出來搶鏡。
周秀娜、JessicaC.、傅穎、o靚模Mia、Hidy和Hazel等昨日在旺角宣傳新片《熱浪球愛戰》，眾女神在街頭派扇，明益龍友和宅男近距離影相，電影公司出動多名保安保護，但仍有過百市民和記者衝出馬路影相，相當危險。
暴瘦JC落力谷警鐘胸，臨上車時又派飛吻，周秀娜則密實上陣僅露肚臍，兩人風頭均不敵谷奶「模媽」Mia。提到最博最搶鏡，Mia說：「冇辦法啦，呢排復出梗係博啲搶吓鏡，同埋部戲係排球，攞番自己個波出嚟。」她又坦言有托胸，更說前陣子胸部推淋巴後由32C升至DCup。提到舊愛錢景峰被指有新歡，她表示當他是朋友，但之前在派對向他打招呼，錢竟沒有反應，覺得有點小家。
娜姐：我波波有力
周秀娜宣傳新戲前，與詹瑞文在旺角出席服裝活動，阿詹在台上表示要拮爆Chrissie腰間的假波，Chrissie即笑說：「我冇假嘢，真材實料。」可擔心稍後派扇被博懵？她說：「我呢啲真材實料，波波有力，唔驚人拮，唔驚人摸，最緊要省埋去有力。」
阿詹則讚四叔李兆基有「GUT」，開心就派利是一萬，那政府派六千蚊是否不夠guts？他笑說：「都夠guts，但唔夠快，我件T恤都印埋出嚟。」此外，JC前日到中環IFC行街，她說：「頭先我同AnaR.一齊行街，我買咗條晚裝裙同飾物，唔使等到要出活動嗰陣先搵衫咁趕。」
採訪：溫敏芝
攝影：仇志德
