上年憑電影《玩酷青春》爆冷奪得台灣金馬影后嘅內地演員呂麗萍，日前喺微博轉載咗篇牧師以「羞恥」同「罪人」等詞彙描述同性戀嘅文章，仲留言「給力」表示支持，隨即掀起網上罵戰，搞到網民猛話要抵制佢嘅新片。台灣同志主持蔡康永率先喺微博痛斥呂麗萍仇視同性戀，杜汶澤同姚晨相繼加入戰團。
老公有前科
事件噚日又有新進展，按照慣例呂麗萍今年會擔任金馬獎頒獎嘉賓，金馬獎執委會發言人話：「金馬不能控制得主的發言，但不支持任何歧視言論。關於邀請呂小姐來台頒獎一事，金馬會暫緩進行。」
呂麗萍同演員老公孫海英都係基督教徒，之前試過藉基督教義發佈反同志言論。07年，孫海英公開斥責同性戀為犯罪而俾人狂插。