陳冠希因為早前與栢芝在機艙合照，意外揭開鋒芝婚變底牌，早前他在上海口震震避談後，大後日（7日）他將再度出席公開活動，以Clot品牌主理人身份，帶同他今期熱烈推介的Rex恐龍公仔及三眼米奇老鼠產品，到台灣出席「第八屆台北國際玩具創作大展」，相信屆時Edison又會被傳媒瘋狂追問鋒芝變一事。
客串廚房仔MV
近日Edison工作不絕，除了赴台在展覽中舉行記者會外，又為旗下歌手廚房仔的《活在當下》MV客串。MV中的Edison穿上笠頭迷彩軍服，揸住靚車載廚房仔遊車河，當Edison一面cool爆地出鏡時，廚房仔便狂rap：「你唔理是非，是非都會搵你；你唔理麻煩，麻煩都會搵你；你唔理問題，問題都會搵你，搵你搵你！」歌詞的確啱晒容易招惹是非的Edison，難怪他在微博回應廚房仔：「thuglife，mob！（混下去吧，死黨）」
撰文：夏琴