大家好！唐牛會喺嚟緊嘅日子，同各位分享一下魚缸趣事同埋投資經驗。
剛檢視近一個月上市嘅新股，發現有個奇怪現象，就係公開發售超購倍數勁嘅公司，表現仲差過唔夠飛嗰啲，最明顯嘅例子，就係做包裝產品嘅正業（3363），超購300幾倍，首日曾經怒爆兩成，但吹雞完場時得返1%唔夠，家仲潛緊水一成有多，認真肉酸！反觀上星期四掛牌嘅西藏5100（1115），認購率只得87%，但就炒高23%。
有戰友解畫，話認購不足本來可以Calloff，但佢哋照上市，反映幕後人士信心十足，亦夠硬淨，加上Corner晒啲貨，結果升到你唔信；至於正業同埋龍翔（935），由於喺短時間捲土重來，所以影響咗表現咁話。唐牛就認為，新股上市初期都係炒供求，有得食就要食，穿價就要打靶！
嚟緊嘅新股，唐牛就鍾意高鑫（6808），貪佢內需概念足，仲有星光[!8ECC][!8ECC]嘅基礎股東撐場。
唐牛