「點解生仔咁辛苦？」預產期為明年2月的郭太，因私家醫院不接受電話預留產科床位，惟有在上月底高掛三號風球當天，在強風吹襲下「粗身大細」親自前往私院繳付按金留位，「大家好似有病態，驚冇得生要鬥快預約，好唔理性」。
同時預約公院私院
郭太懷孕5至6周已準備預約荃灣港安醫院，多次致電該院希望先預留床位，再往醫院繳付按金，但院方不肯，她擔心「遲一日都預約唔到」，上月底三號風球當天，下班後長途跋涉到醫院交按金。「胎都未陀穩，其實好危險，好彩冇落雨」。
相比06年懷有首胎時，郭太指本地孕婦現時變得不理性，「幾年前冇媽媽話有咗4、5個星期就要預約，家一有咗就要決定去邊度生，好匪夷所思」。她同時預約了公院，準備一旦胎兒有問題而不能負擔私院高昂費用，便轉回公院分娩。公院安排她懷孕24周才首次見醫生，之前在母嬰健康院檢查。「護士講明資源不足，就算我係高齡孕婦同第一胎有問題，都冇得做結構性檢查」。她建議私院統一孕婦懷孕4至5個月才接受預約，避免孕婦「鬥快」霸位。
回流婦寧外國產子
香港人鍾小姐本身也擁有新西蘭國籍，早年由新西蘭回流香港。去年懷孕時本想留港產子，令兒子出世便有中國籍，但她發現私院床位被內地孕婦佔據，「10個有7、8個係內地人，好多中介公司」；公私營醫院均有不少醫療事故，「去過屯門醫院睇，好亂」，故去年底不惜遠赴新西蘭產子，再帶兒子返港。
《蘋果》記者