車路士「賤男」艾殊利高爾（A高、左）早前話有機會同老婆復合之後，呢排又有新搞作。佢諗住同Hiphop大亨兼好友Jay-Z（右）夾份開番間餐廳，正確嚟講應該係一間可能有漢堡包食同有汽水飲嘅夜總會。A高諗住會聘請啲失業青年，仲會將部份嘅收入捐去做善事，有指佢咁樣做係想提升自我形象，兼且為將來鋪定後路，等第日掛靴之後唔使淨係留喺屋企咁悶。