十一位候選香港先生昨日出席宣傳活動，其間各人使盡渾身解數chok樣擺甫士拉票，當中不乏騎呢舞姿及一字馬等，其中表演慾極強的3號黃建東，憑拱橋及一人扮演八角擺甫士贏得現場票選的甫士王獎，令他對之後的比賽信心大增！
眾候選香港先生昨到銅鑼灣出席「現場最受歡迎香港先生地區公投」活動，由現場觀眾及三位評判苟芸慧、沈卓盈、劉倩婷選出甫士王，其中沈卓盈身穿性感tubedress現身，甚為搶鏡。
自言曾感迷失
大部份準港男不斷鬥chok鬥姣，最出位的是3號黃建東，他自備眼鏡作角色扮演chok爆擺甫士，騎呢表情盡出，最後更以一式拱橋作結，結果成為甫士王。5號江俊霖擺甫士時未能突出自己，腋下濕了一大片更有礙觀瞻。6號方世杰則怕醜仔上身，hea爆的他只擺出一款甫士交功課，反而令劉倩婷覺得他得意投他一票。有中國舞底子的9號舒宇擺出一字馬甫士令沈卓盈投他一票。事前坦言看好10號李晉強、大讚對方好得意的苟芸慧，在看過眾人表演後改投黃建東一票，更大讚他有心思。
黃建東坦言得獎後令他對選舉當晚更有信心：「開始時都有啲迷失，我體能唔係最好，自己又唔係扮到cool嗰啲人，之後有朋友同一班港男同我講做番自己。」
倩婷拒評思琦
問苟芸慧李晉強與她男友羅天宇誰較可愛？她說：「唔可以比較，每人都有特色。」她又謂這次甫士王是鬥chok作標準，更拉埋林峯落水：「林峯係呢個style，唔會用林峯做標準，佢太高標準喇！」至於劉倩婷對於港姐師姐楊思琦與男友分手及有傳懷孕，她指曾與思琦合作，但他人的事不方便說太多。
採訪、攝影：文國駿