戚黛黛噚日去荃灣為亞視節目「亞洲小天使．我愛No.1」宣傳，同現場小朋友一齊玩遊戲，畀機會小朋友發揮才藝。戚黛黛話自己好鍾意小朋友，身邊好多朋友都已經進入人生另一階段結婚、生仔，家30歲嘅佢都有計劃自己將來會做媽咪，不過就唔係短期嘅事，佢話自己係思想保守嘅女仔，一定要搵到好男友、好老公先至逐步計劃結婚生仔。