【第39屆港姐之黑馬攝位】今屆參選港姐繼續四出拍外景，昨日去了番禺抱小動物，兼要第三次着泳裝示人。被疑整容加工的「D級導彈」10號李天縱因事缺席，眾港姐吸引力不及現場表演，只有幾十名男泳客圍觀，更被批評質素麻麻。13號蔡慧欣上圍出眾，成功攝位。
應屆港姐佳麗近期中港台三地走，拍攝外景特輯，昨日到了番禺的水上樂園錄影，繼續着泳裝上鏡。身材勁爆的10號李天縱，近期被指加工，昨日以有事為由沒有出席。13位佳麗再次穿上泳裝，不過出場時撞上有現場樂園表演，泳客對港姐完全無興趣，寧願看表演，而小部份圍觀男泳客雖然有拎手機拍攝港姐，但也批評港姐樣子平凡，相當冇面畀。
許亦妮姊弟戀
3號許亦妮之前被發現肋骨大過胸，昨日見她肋骨突出情況改善，她說：「可能係減肥有用，我知呢個係我要改善嘅地方，我會盡力做到最好。」近期又爆出她有第12名男友馬天佑，許亦妮指馬天佑在之前刊登過的照片中已出現過，強調只是好友，男方沒有追求她，她說：「好似沒完沒了咁，我之前都講過相入面淨係得三個人係我男朋友，我同佢識咗四、五年，係好朋友，好似姊弟咁。」
抱小動物論盡
身形勁爆的李天縱被指曾整容，缺席活動，13號蔡慧欣身材昨日成為港姐之冠，她說：「唔會因為咁而開心，反而希望佢都喺度，大家一齊玩先開心。」她又表示不信李天縱整容，揚言覺得很真，但不會出手驗胸，其他佳麗也多半表示不信。
此外，眾港姐昨日又去了動物園參觀，親親小動物，抱老虎仔等，不過，佳麗抱動物手勢大多麻麻，搞到老虎仔、猩猩等左扭右扭。
採訪、攝影：葉雪
若讀者知道今屆入圍港姐的底細，歡迎電郵至mailto:[email protected]報料。