衞詩高調同細自己四年嘅教友拍拖，佢舊愛關楚耀都唔執輸，近日被發現同新女友Megan遊中環拍拖睇戲，關楚耀噚日接受電話訪問，直認新戀情：「係拍拖，佢係圈外人。」問女友係乜嘢人、點相識同係咪結婚對象等，關楚耀都唔想答，只係話：「我哋相處得好好，多謝關心。」關楚耀同衞詩曾經係患難鴛鴦，家各有新伴侶，都應該得到祝福。