四年沒有出碟的黃貫中，昨日在商台宣傳歌曲。參加了幾年7.1遊行的他，今年可有參與，他笑說：「都唔知係咪陰謀論，安排我3點做嘢，但佢哋4點行，參加唔到喇。」他表示並不需要每年上街遊行，但明白市民有很多訴求，他說：「其實我行唔行都冇乜需要，因為我唔係做政黨，只係小市民。我見今年大家好多唔同主題，各有唔同嘅目的，畀佢哋講吓都好，可以宣洩吓唔使抑壓住。」對於旺角出現解放軍車，他說：「解放軍一直都喺度，佢哋出唔出嚟都喺度，我相信一架車唔會嚇倒香港人。」
情信送朱茵
另外，黃貫中於本月10日會與其樂隊Postman在港舉行音樂會，他表示之前在台灣舉行過一場，還在現場送單曲，他笑言好像郵差派信，黃貫中很懷念收信的日子，他直言間中會寫情信給女友朱茵。
採訪、攝影：王連連