金城武嘅感情生活一向撲朔迷離，早前佢俾人影到同一位日籍女子揸車外出，關係似乎幾親密，之後就傳出嗰位女士係金城武女朋友，不過金城武嘅經理人即時否認咗傳聞。日前金城武出席電影《武俠》嘅宣傳活動時，就被追問係咪有女朋友，金城武開腔否認，話事實就如經理人所講，亦都冇人借呢件事嚟宣傳《武俠》，佢仲多謝媒體關心。