「足球生涯中最遺憾嘅係？」身經百戰的維哥，卻被這條簡單的問題考起。反覆思量，終給他想到了，就是未能跟張子岱（圖）及黃文偉兩位他心目的球星組成最強組合，並肩為球會及港隊作戰，要到大家退役，一次偶然的元老隊比賽，終第一次穿上同一隊球衣。維哥慨嘆一句：「相逢恨晚！」
「張子岱係最佳拍檔」
維哥表示，他最欣賞張子岱，首位踢英國甲組球隊黑池的華人球員，張於72年加盟愉園成隊友，坦言：「雖然佢（張子岱）當時31歲，年紀大，但球技真係好，一拍佢簡直如魚得水，係最佳拍檔！」
他又稱，若非黃文偉（偉哥）當時已離開愉園，以張、黃的準繩傳送，一個長傳，一個短傳，加上他的射術，絕對可稱上最強組合。無奈除球會層次外，他踢港隊，張、黃二人則代表中華民國出賽，3人未曾同為港隊並肩作戰。
退役後元老賽終相逢
「我真係好渴望能夾到張子岱同黃文偉，我諗我入球紀錄會仲高！」這個渴望足足等到大家退役後，在90/91年愉園元老隊對賓菲加元老隊始能實現，維哥笑稱，他個人射入3球，足證這組合實力強勁。
作為出色中鋒，維哥要到臨掛靴前兩年、即78/79年球季才首奪神射手殊榮，更未嘗當足球先生滋味，他並不覺這是遺憾：「當時成日輸俾胡國雄，佢真係又好波，球迷又多，心諗呢次攞唔到就冇得攞，好彩卒之畀我攞到！」維哥心滿意足，這隻獎盃保存至今。