等到頸都長，終於等到《Transformers3》上映，可惜IMAX版Full到爆，要等到7月中先有得睇，真係幾灰！不過前幾日經過美心西餅，見到竟然出咗Transformers蛋糕系列，最正一個當然係3D立體嘅柯柏文，入面有牛油蛋糕夾住黃梅醬同朱古力牛油蛋糕夾朱古力醬兩種味道選擇，外層就係糖霜做成，個樣真係超靚仔、超有型，買到返屋企都唔捨得食。3D款仲有地球大戰同星球對壘，蛋糕配上變形金剛玩具，有得食有得玩！各位即將生日嘅Transformers迷，應該識得揀啦！
查詢：27433311
名為星球對壘的鮮忌廉蛋糕，配兩款變形金剛玩具（3至6磅裝）。$168/磅