求驗客手記:NBA封館?即將揭盅 - 求驗客

求驗客手記:NBA封館?即將揭盅 - 求驗客

籃球迷最驚嘅時刻終於來臨,就係NBA嘅勞資雙方將於美國時間星期四進行終極會議;雙方經過長期嘅鬥爭之後,仍然未能傾掂球隊同球員總薪金等條件嘅分歧,資方嘅方案建議將下賽季球隊薪金上限定為6,200萬美元(約4.8億港元),以及5年內減少共5億美元嘅球員總薪金支出,但係球員工會都無法接受。如果雙方喺終極會議仍然未就勞資薪酬條款傾掂,NBA下季就會繼98/99球季後再度封館,到時球迷要睇上季精華片過日辰啦!啱啱喺奧克拉荷馬城出席示範活動嘅常規賽得分王杜蘭特(圖),可能有排唞暑嘞。