范振鋒（Ricky）剛剛簽了新唱片公司，又與無綫藝人李思欣拍拖數月，並急急發佈喜訊，怕女友被搶走，還幫公司男新人譚晴做監製，稍後又出書，搞作多多，認真公私兩忙。
范振鋒與女友李思欣拍拖數月，即頻頻被拍到甜蜜行街，男新人譚晴不時做電燈膽玩三人行。Ricky表示與女友早已認識，最近再遇隨即撻着。
拍拖三人行
Ricky笑說：「我哋一拍拖就同身邊人講，講就當落定嘛，唔係俾人追咗點算。」他還讚女友人靚聲甜，乖巧純品，二人不時在微博傳情，懶理人家笑他們肉麻。
除了忙拍拖，Ricky最近還忙於為新人譚晴監製新專輯，之前也有幫人監製唱片，但今次特別落力，連唱片封套他也參與，Ricky說：「我覺得佢好有潛質，同佢又好投契，所以特別畀心機，拍拖都帶埋佢，佢同思欣都好啱傾。」
譚晴都大讚Ricky好人，他說：「我第一次入錄音室都唔知幾緊張，好怕自己做唔到佢嘅要求，佢好有心機咁教我，又從來唔鬧人，都覺得自己幾好彩。」Ricky表示譚晴的新碟將在大中華發行，新公司好肯落本，對新人來說非常幸運。
採訪：胡比
攝影：黃偉雄