美國名宿森柏斯（圖）同瑞士球手費達拿係好朋友，力撐好友今屆可以奪冠追平自己7奪溫網紀錄。講到年僅25歲嘅拿度已手握10個大滿貫獎盃，佢就力讚拿度打法全面，未來肯定會超越佢嘅14個大滿貫成績。之不過森柏斯亦有提到拿度咁體力化、球球拼盡嘅唔錫身打法一定要改善；之後又話好友費達拿打法較聰明，未來可以更長時間處於巔峯狀態，可惜費達拿都係8強出局！