終極大戰《哈利波特-死神的聖物2》將於7月14日上映，展開這套長篇電影系列結局篇的同時，同名遊戲亦會推出。支援三大遊戲平台嘅體感操作，玩家可以親身扮演哈利仔，與佛地魔作正面交鋒！玩完遊戲後，感覺係「仲使乜入場睇戲」呢？
記者：許福合
控制器變魔杖
經過第一集展開結局篇序幕，玩家繼續扮哈利波特及其好友們，去完成高難度危險任務，找出分靈體，從而終結佛地魔，並且決定巫師世界命運！雖然第一及二集，可以睇成係一個遊戲的上、下集之分，不過對於第一集玩家嘅意見，官方都有作出改善。例如第一集遊戲太多，與故事主線的無關任務，今集會針對電影版內容加強任務內容，令到內容更加緊密。而在三大體感主機中，建議玩PS3版，除咗遊戲畫面較佳之外，用Move使出魔法時，更像拿着魔杖，比起入戲院睇戲更加投入。
找掩護保命
在拿着魔杖使出漂亮魔法嘅同時，記得哈利仔仍然有副血肉之軀，千萬不要與敵人「駁火」，最好係先找個掩護物，如木箱之類，睇準再攻擊！不過，哈利仔佢哋其實可以偷偷地伸出魔杖以魔法攻擊，雖然準繩度同威力都較低，但勝在打得安全。另外，今集主角們AI似乎亦較高，上集當角色交由電腦控制時，就會變得勇猛異常，置自身於險境，令玩家玩起來相當狼狽，今集明顯變得聰明咗！遊戲內繼續有各種藥水，有唔同功效，例如隱形等，當然道具中亦包括有隱形斗篷等，喜歡挑戰的玩家，亦可透過排行榜比拼成績。
Profile
主機：PS3/XB360/Wii/PC/NDS
類型：動作
廠商：ElectronicArts
人數：1人
發售日期：7月12日
網站： http://harrypotter.ea.com/
