現年23歲的樂壇新人葉慧婷，早前推出首張EP《新一天》，希望帶給大家正能量，慧婷也身體力行，原來逢星期五都會在旺角朗豪坊表演，與歌迷近距離接觸，她說：「Fans係要辛苦儲番嚟，有時聽到佢哋少少鼓勵嘅說話，我會好感動，家我學緊彈琴，希望將來有自己嘅作品，我夢想三年內喺紅館開騷。」
望頒獎禮奪獎
慧婷是今年樂壇新人，她表示希望年底音樂頒獎禮會獲獎，但自己也要做好本份。外表清純的她，原來是個儍大姐，性格大懵，經常被同事取笑。問到會否以性感形象在樂壇出現？她笑說：「我冇乜條件，唔夠膽，露住膊頭先啦，等我keep吓，睇吓將來演唱會有冇新突破畀大家。」
採訪：溫敏芝 攝影：陳志嵐