自5月張栢芝與陳冠希機艙合照事件，引爆鋒芝婚變以來，狄波拉一直將手提電話關上，甚至一度飛往新加坡避靜，至日前才低調返港。對於有關鋒芝變的新聞，拉姑昨日接受訪問時坦言自己不聞不問。
拉姑說：「我好耐冇睇報紙、冇聽電話，亦唔敢睇電視，我匿埋自己一個空間，因為我個仔有難，我要陪佢共度時艱。」
「唔使搞成咁」
拉姑表示她與四哥謝賢也經歷過婚姻失敗，但認為做不成夫妻也可以做朋友。她說：「四哥同狄波拉離婚，謝寧離婚……家世界有半個地球都係單親家庭長大，就連奧巴馬都係單親家庭長大……我唔係扮偉大，但我覺得我同四哥可以畀下一代做一個好好嘅教材，就算做唔成夫婦，都唔一定要搞成咁樣。」
對栢芝近日的所作所為，拉姑苦笑說：「我唔會答，我只會答自己唔係一個好榜樣，總之呢個時間我應該係同個仔攜手共度難關。」