黎耀祥一家前晚於圓方欣賞《變形金剛：黑月降臨》首映，鄭伊健、林家棟、泳兒及洪卓立等都有捧場，祥仔談到將為陳志雲涉貪案做證人，他說：「聽聞藝人可能唔使出庭，但我預咗期，到時預咗喺香港。」不用出庭是否可免尷尬？祥仔說：「時間上安排會好啲囉，唔使出庭就可以成家去暑假旅行。」其11歲兒子生得高大，被指過兩年可帶女友去睇戲，祥仔聞言笑說：「唔好咁早，小朋友專注學業，性教育都遲啲先啦。」
伊健表示早已沒儲玩具，問到是否改儲老婆本？他說：「希望環保啲啫。」
伊健與女友齊玩
問伊健有否沉迷玩具冷落女友蒙嘉慧？他說：「唔會，佢都鍾意玩。」英皇歌手馮浩男涉嫌勒索o靚模，洪卓立說：「之前公司陸運會見過佢，但唔熟，印象中佢好有禮貌。」泳兒則謂不怕事件影響公司形象。
採訪、攝影：張俊銘