政府出手打壓樓市，二手市場當堂被打窒，成交量大縮，最頭痛係靠佣金搵食嘅地產代理，呢個月行頭裏面有四分一人業績見紅，而新地推新盤大角嘴瓏璽可算係及時雨，早排正式開賣仲幫市場增添後市指標元素，連賣樓主帥新地代理執行董事雷霆（圖）亦為咗呢個重頭戲搞搞新意思。
雷霆早兩日先喺新地網站入面新設嘅「新地Xtra」撰文，強調瓏璽嘅示範單位水準超班，包保參觀過嘅人都會話「等待，是值得的！」華華聽同事講，負責搞周六隨《蘋果日報》送嗰本《家》周刊HomeMap班手足，參觀過樓盤喺九龍站ICC嘅示範單位後，絕對同意雷霆呢個講法，而今期《家》仲特登為呢個新盤搞咗個主題古仔㖭呀﹗
新地亦特別通融安排咗個破天荒新嘗試，至於係咩葫蘆，後日（星期六）買份《蘋果日報》咪知囉!