俄羅斯美女舒拉寶娃喺網球場上表現醒神，事隔5年後再度殺入溫網4強，喺場邊每場都有打NBA嘅未婚夫禾積斯（圖）到場支持，真係恩愛非常，舒娃每擊球得分，禾積斯都會握拳鼓掌。舒娃亦大晒幸福，自爆禾積斯好了解佢諗咩，話佢哋兩個都係運動員出身，好明白需要有午睡嘅習慣。搵到一個又夾又咁了解自己嘅另一半，真係羡煞旁人。