特區政府拋出替補機制修訂建議，原以為可對7.1遊行降溫滅火，但似乎事與願違。
有泛民主派成員分析，政府錯判形勢，修訂建議未能爭取民意支持，令當年反對23條立法、50萬人上街逼政府撤回惡法一幕，有機會歷史重演，「只要今次有幾十萬人上街，建制派議員、政府就要面對好大民意壓力，唔收返條法例都唔得」。
泛民主派分析，政府原本以為，只要提出替補機制修訂建議，就可以爭取民意支持，但明顯錯判形勢，「家民意唔係要修訂，係要政府撤回草案再諮詢，你睇吓家有幾多功能組別議員唔敢表態支持，就知政府修訂建議，民意係唔收貨！」完全無法達到原本提出修訂的政治目的。
民意壓力大建制派必「跳船」
面對目前民憤沸騰的局勢，明天7.1遊行人數對局勢發展將會產生關鍵作用，隨時有機會重演當年反對23條立法一役，50萬人上街成功迫使政府收回惡法，「家情況好明顯，政府又好、建制派議員又好，佢哋睇緊7.1有幾多市民上街，先決定係咪撐落去」。
假如到時「有幾十萬人上街」，民意壓力越來越大，建制派議員必定「跳船」，不會和政府共同進退，到時政府不夠支持票，他們將別無選擇，只有向民意屈服，「到時佢哋冇得揀，唔收返條法例都唔得！」
《蘋果》記者