港股期指結算日下跌0.6點，報收22061，跌幅雖細，但走勢高開低收，連續兩支陰燭，反映投資者幾審慎。
隔晚花旗股市顯著上升145點都幫唔到港股，原因係希債危機仲有好多變數，歐美股市隨時借勢炒落。
港股觀望氣氛濃厚，短線傾向炒個別，濠賭股有勢，睇位炒番轉。
澳博C輪28496：澳博控股（880）收18.26元，升4.8%。股價之前跌穿50日線，形勢麻麻，不過整固之後又恢復動力，轉眼間又上番幾條平圴線樓上，噚日成交仲好對辦，短線應該會上試19.40元，破位睇20.80元，可以諗吓隻C輪28496。
隻輪現價26.5仙，2011年11月4日到期，行使價17元，溢價7.6%，引伸波幅47.3%，槓桿率6.9倍（有效4.5倍），正股升上20.80元，28496睇45.2仙，正股跌穿17.30元就沽咗隻輪。
俊樺