法國提出新方案拯救希臘，花旗股市反彈，港股亦跟勢炒上，但高位承接力不足，收市只升20點。
港股今日期指結算，相信會有暗湧。法國提出的新方案其實未獲得其他歐盟成員國支持，即使希臘國會通過緊縮方案，仲會有好多變數，歐美股市隨時會掉頭下挫，如果跌勢由噚晚開始，港股喺半年結亦難免有較大沽壓，10日線會面臨大考驗。
中石化C輪12745：中石化（386）收7.79元，升2.3%。股價喺月中下試過250日線，反覆企穩之後再度回升，噚日企喺100日線水平收市，成交顯著增加，日內有機會上試8.10元，破位睇8.40元，可以諗吓隻C輪12745。
隻輪現價55仙，2012年1月4日到期，行使價8元，溢價9.8%，引伸波幅30.3%，槓桿率14.2倍（有效6.8倍），正股升上8.40元，12745睇89.7仙，升幅超過6成，正股跌穿7.52元就沽咗隻輪。
俊樺