何紫綸和張晉等前晚到九龍灣出席活動，自從鋒芝鬧婚變後，栢芝的身邊人都紛紛出動，張豪龍近日爆粗兼推撞記者，他的前女友何紫綸也頻頻在公開場合談栢芝。
「好少見霆鋒」
何紫綸前晚直言得知豪龍和栢芝從米蘭回港，也知道他們有買手信給自己，她說：「栢芝對我好好，當我妹妹咁，每次去邊都會買禮物畀我，我過兩日會見佢哋。」
何紫綸坦言戥栢芝難過，並說：「啲報道好誇張，栢芝好錫小朋友，豪龍以前都成日陪佢，好似守護神咁，我同豪龍拍拖成8、9年，但喺佢屋企都好少見霆鋒，栢芝同小朋友玩多啲。」何紫綸透露栢芝一向有計劃將一對兒子送到加拿大讀書，並非因發生事才有此決定。此外，張晉表示愛女楚兒與父母都相似，他想多陪BB，所以想減少返內地工作。
採訪、攝影：何慧斯