糖兄妹早前幫3D電影《藍精靈》配音，糖兄妹話藍精靈係80後嘅集體回憶，配音時勾起唔少童年往事，糖兄話：「讀中學時，化學科老師個樣好似巫師加達，配音時見到加達出場，都忍唔住爆笑。」糖妹話幼稚園時一定要用藍精靈送飯，佢聲演溫柔嘅美芝，但發惡時又好潑辣，佢話：「我講惡死對白得心應手，但演溫柔時要好放輕自己把聲，好難掌握。」