英國21歲仔休伊特，有理想兼有創意，設計出單車同洗衣機結合，名為Spincycle，讓人邊踩單車邊洗衫。儘管呢類環保設計幾咁有創意、幾咁值得嘉許，但運作上實在存有不少問題。好似洗衫須分兩階段，每10分鐘就要排走污糟水，再注入乾淨水繼續洗，咁呢10分鐘路程就成為局限，總不能朝早洗一轉、下午收工洗埋下半場啩？雖無注明洗衣機負重幾多，但連水連衫唔慌輕得去邊，踩嗰個腳骨力真係要有番咁上下。人力代替電力，算環保但不太實際，不過最大好處係幫你慳番唔少時間。
網址：http://tw.news.yahoo.com/article/url/d/a/110625/78/2txd9.html