唐寧噚日喺尖沙嘴出席「遏止兒童及青少年色情人口販賣」活動，見唐寧比之前又瘦咗啲，佢話已經好努力減肥，算係有啲成績，希望盡快回復未陀B時嘅身形，又可以靚靚咁上鏡。唐寧會全力接戲拍，囝囝就會交畀媽媽湊，自己同老公要努力工作搵奶粉錢，嚟緊會有個舞台劇《辛辣人妻》演出，唐寧講笑話做咗人太太同媽咪後，開始有媽咪角色做。