憑劇集《怒火街頭》米佐治一角而人氣急升嘅林子善，噚日幫無綫為食台錄影飲食節目，佢話自己平時都會煮嘢食：「放假會去街市買餸，有時見女友做嘢攰，都會煮定嘢畀佢食。」佢仲自誇廚藝比女友好。子善曾經喺電影《老夫子2001》同鋒芝合作過，講到二人婚姻問題，佢話：「我同霆鋒熟啲，但好耐冇聯絡，唔方便講太多，始終人哋家事。」