連唐司長都叫香港人北上搵機會，估唔到連今季澳職最佳球員同最佳外援兩獎得主，阿德萊德聯中場馬高斯科利斯（圖），都北上搵人仔；呢位阿根廷中場落實加盟中超球隊河南建業，7月1日就報到，而且人工絕對唔少；馬高斯科利斯獲得兩年半合約，年薪更高達80萬美元（約625萬港元），河南亦要支持50萬美元轉會費予「阿聯」。不過中超以「黑」見稱，馬高斯科利斯都係小心為上。