好多人都驚去印尼冇啖好食。儍啦！印尼的食物文化極多樣，好多還啱廣東人口味。特別係來到峇里島，海鮮真係食幾多有幾多，連煮開牛羊豬扒成名的米芝蓮星級大廚，心目中頭三位美食都被這裏的龍蝦、魷魚同吞拿魚佔據啦！
記者、攝影：陳慧敏
鳴謝：AyanaResort
米芝蓮星級Dava
雄霸半個山頭的Resort有六家不同的餐廳，提供日韓、意大利菜，也有印尼海鮮。但最特別還是由米芝蓮兩星名廚JohnNash坐鎮的Dava餐廳。John話佢最叻整扒，以六種最好部位的肉，配全自選醬汁及配菜獨創風格。但一個人一個胃，你六件扒我怎麼吃得完試其功夫呢？於是他推出試菜菜單，三、四、五道菜任擇，碟碟細細份讓你試清楚其真功夫。見藍鰭吞拿居然「煎熟」上桌，雖然天氣熱，因處理問題峇里人最鍾意煎魚燒魚同炸魚，跟魚生絕緣，但實在「」了一聲！然而食落吞拿魚煎得非常香軟又保持中間肉汁，一點都不乾；而一口牛扒的配菜紫薯粒弄來居然像糯米糍般彈牙，讓人一試難忘。
印度洋平靚正吞拿
煮慣扒的米芝蓮大廚，在峇里最鍾意食居然係龍蝦與吞拿。噢！那當然要去鄰近Kuta，峇里南部最大最主要的魚市場Jimbaran看看。晨早四時，彩色的尖葉船開始歸來，船上盛了滿滿的、肥大的藍鰭吞拿。捕到的魚穫不用5分鐘就送到市場，或直接在灘邊擺賣。印度洋的藍鰭吞拿，雖然顏色、肉質甚至價錢都不及日本品種的吞拿，然而同樣面對絕種危機，卻是島民平常不過的糧食。魚穫平均約$150/kg，市場朝4晚5，除了早上最繁忙外，整天都有魚穫運到，所以好多酒店及餐廳都直接跟漁民訂魚。
20種配料製印尼菜
買回來的魚，下午我們來學煮印尼菜。今回我們學「蕉葉包魚」。估不到黑黑實實的魚鬆裏，包含了超過20種印尼配料。其中最重要的可是花生米、黃薑及黃番薯，那可是印尼菜的「靈魂」。將之統統切碎，炒好後混入椰汁、咖喱跟番茄，放在魚肉上以蕉葉包起，塞入焗爐約15分鐘就得。家中宴客時，個賣相都好似好勁、好夠照架！
