亞姐姚佳雯、筱靖同林紫君噚日去尖沙嘴揀泳衣，佢哋聽日會出發去馬爾代夫拍《馬爾代夫好味道》特輯，到時會有水上活動環節，所以三個主持就揀定啲性感三點式泳衣。姚佳雯個嘴生咗粒唇瘡，佢話係太忙休息唔夠搞成咁，已經睇咗中醫，希望盡快好番，去到馬爾代夫可以最靚一面示人。佢哋仲話今次會喺海底餐廳食飯，仲要成萬蚊一位，真係正。